عنوان الدراسة

• نشرت من الدكتور/ مصطفى كيلاني ٪ s في٪ s فشلت في التعليم ## رسالة ماجستير ودكتوراه  26 عرض
  انقر للتقييم

  للباحثين عنوان الدراسة من الفكرة للمناقشة....

  عنوان الدراسة من غير مبالغة هو 90% من الدراسة بيتوقف علية أغلب الشغل جو الرسالة ويمكن من أكتر المشكلات اللي بتقابل الباحث في مشوارة هي اختيار العنوان ....

  دا طبعا بعد مشكلة اختيار لبس يوم المناقشة للباحثات انما خليك معايا كدا وشوف هتختار عنوان ازاي في الاول في كام مصطلح كدا لازم تعرف الفرق بينهم الاول وهي الفجوة البحثية ....المشكلة البحثية ....العنوان الفجوة البحثية يعني حاجة محدش بحثها قبل كدا وبيحصل خلط بينها وبين المشكلة المشكلة جزء من الفجوة البحثية لان الفجوة معناها انك بتدخل فحاجة محدش دخلها قبلك عموما عشان كدا بنسميها فجوة ودي بتكون الفكره او نقطة البداية والفجوة انواع منها فجوة الموضوع ومعناها انك بتشتغل على موضوع محدش اشتغل فيه قبلك ...وفي فجوة المنهج انك تتناول الموضوع بمنهج مختلف عن سابقيك ...وفجوة الادوات انك تتناول الموضوع بادوات بحثية مختلفة ولم يستخدمها سابقيك ...ومنها فجوة الحدود المكانية والزمنية انك تتناول الموضوع بحدود زمنية او مكانية مختلفة عن سابقيك يجي بعدها صياغة الفجوة دي في صورة متغيرات او مشكلة ليها طرفين مستقل وتابع ....

  وبعدها يتم صياغة العنوان يبقى خط السير بيكون كالتالي فجوة بحثية اللي هي الفكرة مثال التسرب التعليمي في مصر بعدها ربط الفجوة بمتغير تاني مثال التضخم التعليمي ونسبة التسرب كدا انت بقي عندك مشكلة بحثية ذات متغيرين تبدأ بقا تصيغ العنوان .....لاااا استنى هنا بقى ...الاول تبحث هل المتغيرات دي يها مصادر ولا لا لو المصادر متوفرة وهتغطي افجوة كويس تمام تبدأ تصيغ العنوان ....مفيش مصادر تشوف غيرة وريح نفسك من اولها طيب لقيت المصادر ...

  .تبدأ بقا تحط خريطة عناصر للرسالة الفصل الاول ممكن يحتوى على كذا وكذا وكذا مثلا مفهوم التسرب ...اسبابة ،،،تاريخة ,,,,ارقام التسرب واحصائياته في مصر ودا عنصر مهم جدا ولو ملقتهوش يبقى كنسل الموضوع كله الفصل التاني .....الخ وتبدأ تبحث تاني عن العناصر دي هل ممكن تغطيها و لا لا عرفت انك ممكن تغطيها تمام نبدأ بقا نصيغ العنوان

  مثال دور التضخم التعليمي في تنامي ظاهر التسرب في التعليم الابتدائي في مصر دراسة ميدانمية على محافظة اسيوط وتبدأ بقا تحط خطتك وتسجل وتشتغل طيب ياعم الحج انا مش لاقي فجوة اصلا اجيبها منين هنا في حتت خصبة كدا تقدر تطلع منها بفجوات بحثية وسبق واتكلمت عنها في مقالات سابقة منها .... مجال شغلك .... حضور السمينارات ....توصيات الدراسات .... اساتذتك ....زمايلك الباحثين .... وسائل التواصل الاجتماعي