#للباحثين... ازاي تتنقل من مرحلة الطالب لمرحلة الباحث...؟
في البداية المقال دا او غيرة مجرد وجهة نظر شخصية قد تتفق او تختلف معاها انما في المجمل هي قابلة للنقاش والخطأ كمان.....
عشان تنتقل من عقلية او مرحلة الطالب لعقلية ومرحلة الباحث لازم من وجهة نظري تعمل كام حاجة كدا وهي كالتالي..
1. مسئولية القرار...
لازم تتعود انك تاخد قراراتك من نفسك بدون مساعدة حد والقرار هنا مش مقصود بيه قرارات مبنية على العاطفة او عشوائية لا دي مبنية على معطيات واسباب ودي اول خطوة في المنهجية العلمية انك اي قرار تاخدة مبني على اسباب منطقية.... مشاعرك فتلاجة بعيد عن مخك وتفكيرك
2. الايجابية... الطالب في المجمل سلبي بينتظر المعلومة انما الباحث من اسمة باحث هو اللي بيبحث عن المعلومة وبيجيبها مهاراتك في ايجاد المعلومة بيتوقف عليها حوالي 50٪ من شعلك بدون مبالغة
3. المرونة.... انت لست شجرة... مش قطر سكة حديد... لازم تتعود على التعامل السريع مع ظروف دراستك اخترت موضوع وطلع صعب او اترفض يكون معاك البديل... متقفش كتير قدام العقبات كل خطوة عندك ليها بديل واتنين
4. الموسوعية....
متبقاش معلومتك محدودة في تخصصك بس اي تخصص تمد لتخصصك لازم يبقى عندك منه معلومة وطبيعي تحون عندك خلفية علمية من ايام الكلية لانك بتدرس تخصصات بتخدم على تخصصك
5.الثقافة...
والثقافة غير الموسوعية... الموسوعية كم المعلومات... انما الثقافة القدرة على توظيف المعلومات دي في بناء توجه فكري صحيح
6. الادب... ثم الادب.... ثم الادب
الادب مع اساتذتك وزملاءك الباحثين... طول ما انت متكبر او بتبص لاي حد طالب علم او استاذ باستهزاء اعرف انك اجهل خلق الله... مفيش علم من غير ادب اطلاقاااااا مستحيل لان العلم بيأدب صاحبة
7. الطمع.... الطمع العلمي دا شئ محمود جدا انك متشبعش من المعلومة والبحث ومترضاش بالقليل ولا ان دراستك تكون دون المستوى
8. تنسى مجموعة مفردات من قاموسك
زي معرفش... متعودتش... مبحبش... مليش نفس... مليش مزاج.... الخ
9.الموضوعية... مفيش مشاعر في البحث العلمي في حقائق واسس ومنهجية فقط
لازم تعرف اللي متعرفوش
تتعود متتعودش على حاجة معينة
تحب وتشتغل في اي حاجة تقابلك
نفسك تقفل عليها وتحطها في التلاجة
مزاجك تلفة وتركنة عالرف
دي باختصار اهم الحاجات اللي بتتحول بيها من طالب لباحث
هتقولي وايه علاقة حاجات زي المزاج والادب والطمع... الخ بالبحث العلمي...؟
لان ببساطة انت مش مكنة... انت انسان كل متكامل... كل جانب فيه بيأثر على الجوانب التانية وكله بيكمل بعضة
