#للباحثين .....مقال مهم جدا بعيد نشرة بناءا على طلب عدد من الباحثين ..
..انا فقدت الشغف والرغبة في الاستمرار في رسالتي...اعمل ايه ...؟!
دا احساس طبيعي جدا بيمر بيه اغلب الباحثين اهم حاجة عدم الاستسلام لان الحالة دي بتزيد بالانقطاع عن الرسالة وبيحصل حاجة غربة بينكم ويبدأ يظهر حاجز نفسي بيكبر كل يوم تبعد فيه عنها ...
اول حاجة ترجع لرسالتك ولو هتقرا اللي عملته بس المهم ترجع وتكسر حاجز الغربة بينكم
٢. متفكرش في اللي فات نهائيا لان دا سبب كافي انك تكتئب اكتر ولا تقول انا ضاع مني وقت قد ايه وتتحسر وتندم كدا بدخل نفسك في حلقة مفرغة وهتفضل تلف فيها ...تكتئب عشان ضيعت وقت فتكتئب زيادة فضيع وقت تاني من غير شغل فتكتئب اكتر...الخ ، لازم تكسر الدايرة دي بعدم التفكير في اللي فات
٣. متقارنش نفسك بحد وتقول فلان خلص ولا علان ناقش كل واحد وليه ظروفة والمقارنات من النوع ظا مدمرة حرفيا لاي حد
٤. متقفزش على المراحل يعني لو مثلا انت بيتظبط في النظري متفكرش في المناقشة ولا تفاصيلها فكر في المرحلة اللي انت فيها وتفاصيلها بس لحد ما تخلصها فكر في اللي بعدها
٥. الاستمرارية عود نفسك كل يوم. تبص في الرسالة حتى عالفون ولو هتعيد قراءة بس المهم يبقالك روتين يومي انك تبص فيها وتشتغل اي حاجة وكل مرة تفتح الرسالة هي هتشدك ليها وهتخليك تشتغل
٦. احلم بفرحتك وانت بتناقش ودي حاجه بسيطة لكن مهمة هتحفزك جدا
٧. ابعد عن اي حد بيقلل من طموحك وشغلك ومتدخلش معاه فحوار نهائي نهائي
٨. احلم تاني انك بعد ما تخلص ممكن تبقى ايه او ايه الفرص اللي ممكن تتوفرلك
١٠ اكسر حاجز روتين الاسترخاء والشغل يعني لو متعود تنام الضهر لا تعالى فيوم واشتغل في الوقت دا او انك متشتغلش الصبح لة اعملها ...والحكمة هنا انك لو اتحطيت فظروف تجبرك انك لازم تخلص شغلك تبقا متعود على المواقف دي
١١. مارس رياضة اي رياضة ولو حتى المشي المهم تنتظم لانها بتحسن النفسية جدا
١٢. متفكرش في المصاريف ربك بيفرجها
دي اهم الاساليب للتغلب على انعدام الشغف من واقع تجارب شخصية
