مقالات & # 187 ؛ التعليم & # 187 ؛ استخدامات مناهج البحث في رسالتك
استخدامات مناهج البحث في رسالتك
.... قولنا ان منهج البحث المستخدم بيتحدد على حسب اهداف الدراسة يعني انت بتكتب اهدافك الاول وبتحددها بوضوح وبعدين بتختار المنهج البحثي الملائم اذا كان مقارن تاريخي وصفي تجريبي طيب انا افرق بين المناهج دي ازاي وازاي هختار المناسب لدراستي....؟
لنفرض ان عندنا 4 باحثين واقفين قدام عربية من الفئة المتوسطة وكل واحد منهم هيدرس العربية دي بمنهج مختلف هدف الاول وصف العربية فهيستخدم المنهج الوصفي التحليلي هيقول انها تتألف من كام باب وكام كرسي ولونها ايه ومواصفات المحرك نوع الزجاج.... الخ لانه بس بيوصف ويحلل....
وممكن يسوق السيارة بسرعات مختلفة او فطرق مختلفة بردو بهدف وصف قدراتها هدف التاني تفسير تطور العربية دي فهيستخدم المنهج التاريخي....
هيقول ان العربية دي اتصنعت سنة كذا وحصل تطوير للموديل سنة كذا وكذا وكذا والتطوير اتركز في نقاط كذا وكذا لمعالجة اخطاء كذا هدف التالت مقارنة السيارة دي مع انواع تانية يبقى هيقول الابواب هنا مصنوعة من كذا والنوع التاتي من كذا... والموتور قدرة كذا وهناك كذا... الخ.... وكدا نخرج بنتجة ان الدهان كذا والابواب كذا والموتور كذا هما الافضل ولو هتصنع سيارة نفس الفئه تعمل الكلام دا عشان متكررش نفس الاخطاء بتاعتهم هدف الرابع الوصول لتوليفة جديدة من الوقود الموفر... هنا هيستخدم التجريبي وهيحط الوقود ويشوف النتائج ويوصل بعد التجربة لافضل النسب للوقود دي ببساطة طريقة تحديد المنهج وطريقة استخدامة
