قائمة المصادر والمراجع لرسائل الماجستير والدكتوراه

• نشرت من الدكتور/ مصطفى كيلاني ١٨ نوفمبر فشلت في التعليم ## رسالة ماجستير متميزة  28 عرض
  انقر للتقييم

  للباحثين.... قائمة المصادر والمراجع

  من اعمدة بناء الرسالة المصادر والمراجع وهي العصب الرئيسي لاي دراسة وتعتبر مرآة لشغل الباحث في احيان كتير.... طيب ازاي ابني قائمة مصادر ومراجع جيدة في دراستي...؟!

  الحكم على قائمة المصادر والمراجع من قبل لجنة المناقشة بينقسم او بيتركز في اتجاهين وهما

   1. الشكل.

  2. المضمون اولا الشكل بيتم الحكم على القائمة من حيث طريقة توثبقها والنمط المتبع ودرجة التزام الباحث بهذا النمط في كافة اجزاء الدراسة ثانيا المضمون ودا بيتم الحكم علية من الزوايا الاتية

  1. الكم.... كم المصادر والمراجع اللي حضرتك اعتمدت عليها في دراستك وهنا لازم تعرف ان اي مرجع انت بتضيفة في دراستك المفترض انك قاري المرجع دا ومذاكرة مش مجرد انك واخد منه حتة اللي تخصك... وهنا يبقا مش لازم تبالغ في عدد المراجع بتاعتك لدرجة ملفتة يعني تكتبلي مثلا 500 ولا الف مرجع لان دا دليل انك مزود كم مراجع وبس بالذات لو حجم رسالتك صغير او متوسط

   2. الحداثة يفضل مراجعك تكون حديثة قدر الامكان

  3. التنوع مينفعش تبقى اغلب مصادر دراسات وابحاث او اغلبها كتب بس لازم تنوع دراسات وابحاث وكتب ومواقع ومقالات قدر الامكان

   4. الاصالة يفضل طبعا ترجع للمصادر الاولية في دراستك وتقلل من المصادر الثانوية

  5. التوازن النسبي وهنا التوزيع النسبي له اكتر من زاوية - توازن العربي والاجنبي من حيث الكم -توازن المصادر والمراجع مع فصول ومتغيرات الدراسة ما يكون فيه 300 مثلا والتاني 20

  -توازن نوعيات المراجع زي ما قولنا مش كلهم كتب او ابحاث... الخ

  6. الارتباط المباشر بموضوع دراستك وبمجالها... يعني لو دراستك عن الإدارة التعليمية يكون مراجعك عنها مش عن ادارة الشركات مثلا لان دا مجال اقتصادي مش تعليمي

   7. التنوع الجغرافي قدر الامكان انك تجيب دراسات تنتمي لدول متعددة بالذات لو الموضوع عالمي وفي ملحوظة مهمة لازم تاخد بالك منها.... ان كل دا مرتبط ارتباط وثيق بموضوع دراستك هو المحور اللي بيحدد كل دا والاساس

   وكل البنود السابقة بتتغير نسبيا مع تغير الموضوع... يعني لو موضوعك مثلا عن الشعر الجاهلي مش هتبقى مطالب بدراسات اجنبية زي اللي موضوعة عن الادب الانجليزي