مرحلة تمهيدي الماجستير

• نشرت من الدكتور/ مصطفى كيلاني ٪ s في٪ s فشلت في التعليم ## رسائل الماجستير والدكتوراه  22 عرض
  انقر للتقييم

  مرحلة الدبلومات وتمهيدي الماجستير .....

   اهمية المرحلة دي وهدفها الاساسي هو نقلك كباحث من عقلية الطالب العادي لعقلية الباحث ....طيب اية الفرق بين الاتنين ....؟

   الفرق ان عقلية الطالب محدودة وموجهة بصورة كاملة بيدرس موضوعات محددة ومحدودة في كل تفاصيلها ومساحة الابداع او الاجتهاد ضيقة جداً وفيها الطالب بيكون سلبي متلقي للمعرفة مش مشارك في جمعها فضلا عن انتاجها انما عقلية الباحث غير كدا خالص المفروض تكون عقليى منفتحة متجددة ايجابية بتشارك في جمع المعرفة وممكن انتاجها كمان طيب المهم بردة انا اتنقل ازاي من الطالب للباحث وازاي استثمر مرحلة الدبلومات وتمهيدي الماستر في كدا .....؟

  1- تحضر سمينارات قد ما تقدر وحضور بالعقل والجسد مش جسد بس بهدف الغياب وتكتب وتسجل كل اللي بيحصل والانتقادات الموجهة للباحثين واية الغلطات والصح بتاعها اية وتحاول تفهم دماغ اساتذة القسم رايحة فين

  2- تطبيق مقرارات مناهج البحث اللي بتدرسها يعني مش تدرسها لمجرد الامتحان فقط لا لا تفهمها وتطبقها

  3- عمل خطط بحثية كتدريب ومقارنتها بخطط رسائل يعني تتعلم تصيغ المشكلة والاسئلة والاهداف ....؟

  4- تدخل المكتية اللي محدش بيعتبها ولا يبص فيها وتعرف محتواياتها اية وتاخد فكرة عنها عشان بعد كدا تختار موضوع مراجعة متوفره فيها ان امكن وترتاح من البدلة والتدوير على المراجع

  5- مكتبة الدراسات العليا تطلع على الرسائل الحديثة وتقارن شغلك اللي انت بتعملة بيها

  6- تتعلم انك تخصص جزء من يومك للبحث عالاقل ساعتين مهما كنت مشغول او يومك زحمة عشان تبقى اتعودت عالشغل المستمر ةمتتعبش اثناء اعداد الرسالة

  7- لو في كورسات او دورات هتحتاجها او مطلوب للمناقشة او المنح رتب نفسك تاخدها لو امكن في المرحلة دي لو عملت الحاجات دي هتوفر عليك وقت ومجهود كبير جدا في اعداد الرسالة بعد كدا وممكن تخلصها فزمن قياسي ....كل دقيقة تعب في التمهيدي بتوفر شهور في اعداد الرسالة بعد كدا كل دا يعتبر اعداد ادواتك العقلية كباحث نيجي بقا لناحية تانية بردو مهمة في المرحلة دي ...

  وهي اداوتك المادية كباحث وهي بالبلدي كدا عدتك كباحث زي عدة الصنايعي كدا وهي 1- اللاب والطابعة تشتري لاب مناسب لشغلك مش شرط امكانيات عالية المهم ميتعبكش فشغلك بس لو ظروفك المادية كويسة هات طبعا الحديث والاعلى

  2- ترتب امورك المالية بحيث تتجنب اي مفاجات مالية ممكن تعطلك زي مثلا انك توفر قدر معين كل شهر يبقى زي رصيد تحت الطلب لظروف الدراسة

  3- تعود نفسك تذاكر من اللاب او الفون عشان توفر ورق وطباعة لان لو طبعت كل ورقة هتفلس بدري بدري ومش هتقدر تكمل