مقالات & # 187 ؛ التعليم & # 187 ؛ خطة البحث لرسائل الماجستير
كيف اعرف عنوان خطة البحث لرسالة الماجستير: اتعمل من قبل أو لا ؟
ولو اتعمل وكنت بدأت فعلا شغل ...اعمل اي ؟ السؤال دا جالي كتير جدا ... لو عشان تعرف عنوانك اتعمل ولا لا في طريقتين الاولى..
.لو كان العنوان اتعمل واتنشر كبحث او اتناقش كرسالة وهنا هتدخل على جوجل وتبحث بأسم عنوانك لو كان اتعمل هتظهر قدامك في نتائج البحث ...
او تدخل على قاعدة بيانات اتحاد المكتبات او بنك المعرفة لو الدراسة مصرية بنسبة ٩٠٪ هتظهر معاك لو عربية احتمال كبير بردو تلاقيها الطريقة التانية لو العنوان متسجل لكن متمش مناقشة الرسالة ...
.هنا مفيش قدامك غير المكتبة الرقمية في جامعتك تروح يستعلموا عن العنوان ولو موجود ١٠٠٪ هيطلع معاهم يبقى انت هتمشي حسب الخطوات
١. جوجل
٢. اتحاد المكتبات
٣. بنك المعرفة
٤. المكتبة الرقمية في جامعتك طيب هتقول طب ما اروح المكتبة الرقمية مباشرة واريح نفسي ...؟
المكتبة الرقمية متقدرش تدخل عليها غير من الجامعة مش من البيت فكدا هتضطر تروح الجامعة ووارد يكون محل الاقامة بعيد فهتاخد مشوار فجرب جوجل واتحاد المكتبات وبنك المعرفة الاول عشان لو موجود يبقى ما اخدتش مشوار عالفاضي بردو الدخول عالمكتبة الرقمية فحدود علمي بيكون بخطاب من كليتك وتدفع كمان رسوم فجرب الاسهل الاول نيجي بقا للسؤال الصعب طيب انا لو كنت اشتغلت عالعنوان دا بالفعل وبدات في الخطة او خلصتها
...اعمل اي بسيطة انت ممكن تغير العنوان من غير ما تغير كتير فشغلك بكذا طريقة
١. تغيير العينة مثال انت شغال لعثمة للمراهقين ... خليها اطفال
٢. تغيير الحد الزمني ...مثال انت شغال على تحليل محتوى الصحافة تجاه قضايا المياه في مصر في الفترة من ١٩٧٠ل ١٩٨٠ خليها من ١٩٥٠ لحد ١٩٦٠ مثلا ٣. تغيير الحد المكاني مثال انت شغال على النحت وتآكل التربة في وادي الاسيوطي ...خليها وادي حوف او وادي عربة او وادي العلاقي ٤. تغير المرحلة لو شغال عالمرحلة الابتدائية اشتغل ثانوي مثلا او اعدادي ٥. قفلت معاد خالص غير متغير من المتغيرات كدا مش هتغير كتير في الخطة وتعدي مشكلة ان الموضوع مكرر
