هو الافضل طبعا تكون متفقة مع عينة البحث بتاعك ...بس دا شئ نادر الحدوث لانك مطالب بموضوع جديد ...بس خلينا نمشي واحدة واحدة مع بعض
انت بتمشي بنظام الدوائر الدائرة الاصغر هي نفس عينتك ثم لو ملقتش بتتنتقل للدائرة الابعد ثم الابعد وهكذا على حسب توافر الدراسات والحداثة في نفس الوقت
لو انت شغال على ضعاف السمع مثلا في اطفال الروضة هدور على دراسات تناولت ضعاف السمع في الروضة...حديثة
ملقتش حديثة مدة ٥ سنوات دور على ١٠ ملقتش ١٥ او ٢٠
ملقتش ضعاف روضة خالص هدور على ابتدائي..بنفس التدرج من الاحدث للاقدم ....
.ملقتش هدور على اعدادي بنفس التدرج
لو ملقتش ضعاف سمع اصلا هدور على الصم بنفس التدرج
ملقتش لا ضعاف سمع ولا صم هدور على ذوي الاعاقة العقلية البسيطة
وهكذا تنتقل من الاقرب للابعد مع مراعاة طبعا انك بدور عربي واجنبي وبعد ما تستنفذ كل وسائل المحاولة وتكون شبة متأكد ان مفيش
وفي حالة انك ملقتش خالص تكتب انه في حدود علم الباحث لا يوجد دراسات سابقة تناولت متغيرات الدراسة الحالية مع نفس العينة لذا استعاض الباحث عنها باقرب دراسات ممكنه لموضوع الدراسة
ودا طبعا بعد الاتفاق مع المشرف
